प्रचण्डपुत्र सुन तस्करी र लुटपाटमा मुछिए
एमाओवादीका उच्च तहका नेताहरुमाथि प्रहरीको अनुसन्धान अझै जारी
काठमाडौं । सिन्धुपाल्चोकको तातोपानी नाकाबाट हुने सुन तस्करी निकै चर्चामा छ । यो रुटमा प्रहरीले क्वीन्टलका क्वीन्टल सुन बरामद गर्दै आएको छ । यो नाकाबाट हुने सुनतस्करी जतिसुकै कडाई गरे पनि अहिलेसम्म पनि नियन्त्रणमा आउन सकेको छैन । बरु, यो कार्यमा प्रहरीकै उच्चाधिकारीहरु मिलेको चर्चा आइरहन्छ । त्यस्तै राजनीतिक नेताहरुको समेत यसमा सम्लग्नता रहने गरेको दावी पनि गरिदै आएका छन् । जसका कारण आजसम्म पनि सुनतस्करको जालो पत्तालाग्न सकेको थिए । खाली भरियाहरु मात्र पक्राउ पर्ने गरेका थिए । कहिलेकाही तस्करहरुबाट बीचबाटोमै लुटेराहरुले सुन लुट्ने पनि गरेका छन् ।
यही क्रममा प्रहरीले सुन तस्करीको जालो पत्ता लगाएको जनाएको छ । प्रहरीले गरेको गहिरो अनुसन्धानबाट तातोपानी नाका हुँदै भइरहेको सुनको तस्करी र सुनको लुटपाटमा एकीकृत माओवादी अध्यक्ष प्रचण्डका छोरा प्रकाश दाहालको समेत सम्लग्नता भेटिएको छ । प्रहरीले काभ्रेको पाँचखालमा केही दिनअघि नाटकीय रुपमा लुटिएको सुन लुटपाटमा प्रकाश दाहालको सम्लग्नता रहेको तथ्य फेला पारेको हो । पाँचखालमा यसअघि ३५ केजी सुन लुटिएको थियो । त्यो सून एक जना चिनियाँ व्यापारीको भएको बताइएको छ ।
प्रहरीका अनुसार त्यो सुन तातोपानीबाट एक चिनियाँ व्यापारीले काठमाडौं पठाएका थिए । उनले गोम्बु शेर्पा नाम गरेका व्यक्तिसँग सुन काठमाडौं पठाएका थिए । तर, सुन बोक्नेबित्तिकै गोम्बुको मनमा कालो पलाएको थियो । सुन बोकेर तातोपानीबाट हिडे लगत्तै गोम्बुले सुन लुट्नका लागि ठूलै स्रोतसँग सम्पर्क गरेर सेटिङ मिलाए । ती ठूला स्रोत भनेका काभ्रे घर भएका प्रचण्डका पूर्व गाडी चालक उज्ज्वल तामाङ थिए । उज्ज्वलले सुन अलि बढी नै भएको खबर पाएपछि त्यसबारे सोझै प्रकाशलाई फोन गरेर खबर गरेर थप योजना बनाएको बताइएको छ ।
उज्ज्वल र प्रकाशले बनाएको योजना मुताविकनै घिउको बट्टामा हालेर ल्याउँदै गरेको ३५ केजी सुन लुटिएको थियो । यो घटना गत कार्तिक १५ गते भएको थियो । तातोपानीबाट पाँचखाल पुगेका गोम्बुले आफूलाई अपहरण गरेर सुन लुटेको भन्दै ती चिनियाँ व्यापारीलाई फोनमा खबर गरे । तर, उनी आफै त्यो लुटपाटमा सम्लग्न भएका थिए ।
प्रहरीले यो लुटपाटमा एमाओवादीका केही अरु उच्च नेताहरुको समेत सम्लग्नता भेटिएको जनाएको छ । त्यसका लागि प्रहरीका माथिल्लो निकायमा उजुरी पनि भइसकेको छ । प्रहरीले यसबारे एमाओवादी नेतृत्वलाई जानकारी पनि गराइसकेको छ । प्रकाशको सम्लग्नता गम्भीर अपराधमा भेटिएको थाहा पाएपछि हिजोआज एमाओवादीका उच्च नेतृत्वमा तहमा ठूलै भूइचालो गएको बताइन्छ । उनीहरुले निरन्तर दवाव दिँदै यसबारे थप अनुसन्धान अगाडि नबढाउन प्रहरीलाई दवाव पनि
